奇洛為《反斗奇兵4》肉緊配音　超英都派Like

荷里活男神奇洛李維斯（Keanu Reeves）今年多多搞作，更首度為動畫配音，聲演迪士尼·彼思（Pixar）話題作《反斗奇兵4》（Toy Story 4）新加盟嘅玩具角色「Duke Kaboom」，角色被爆早於去年上映動畫《超人特工隊》（Incredibles 2）彩蛋曝光，但當時只係唔講嘢嘅玩具，而奇洛發聲配音嘅幕後花絮近日終於出爐，見到身穿Cool爆全黑服飾嘅佢配音時不停模仿角色動作配音，又勁肉緊同工作人員商量角色語氣，又型又可愛，就連「美國隊長」基斯伊雲斯（Chris Evans）亦於社交網轉載片段，留言大讚奇洛嘅演出，仲話齋睇佢都會睇兩次！