與蘇志威夜釣墨魚!劉小慧悟出人生大道理

20190611
東網電視
更多新聞短片
唔好睇少釣墨魚,其實真係學到嘢!
「得閒修女」劉小慧同老公蘇志威結婚多年,感情都如膠似漆,除咗入馬場外,兩公婆都不時搞下啲群體活動,增加下生活情趣咁!好似早幾日端午節,小慧同老公游完龍舟水後就去chok墨魚,仲要係連續去兩日,唔好以為chok墨魚好少事,但小慧都悟出人生大道理,佢喺社交網分享話:「其實兩日前星期五游完龍舟水後都有去chok墨魚,收穫仲比尋日多好多,一放勾落水就好快有墨魚上釣,隻隻都火箭咁大隻。其實同做人一樣,應該要活在當下,因為在兩日之後已經完全唔同情況,全船人每人平均只釣得兩隻,仲要好細隻,而有些人甚至無開齋。老公講得岩,要活在當下,把握時機。」難怪蘇志威事業咁成功啦!
而最近成為網紅的劉小慧今次就唔拍片,改為影相,佢將老公幫佢影同佢自己幫老公影嘅相放上社交網畀網友投票,結果網友都投畀蘇志威,話佢影老婆影得靚!但小慧就唔多忿氣,笑言:「雖然我影相技術有進步(已經),但有無可能咁一面倒投晒畀蘇志威? 但其實係咪圖裏面個女人太吸引咋? 」
---------------
立即參加「賞您睇」: http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。