孖林子祥合唱　葉蒨文興奮滿場飛

歌手林子祥（阿Lam）上個月喺紅館完成《LAMUSICAL2019演唱會》，尋晚幕前幕後人員齊齊食慶功飯，包括林德信（Alex）、胡琳、小肥同一班有份演出嘅小朋友等，場面熱鬧！當中阿Lam同葉蒨文仲嚟個對唱，合唱《數字人生》和《敢愛敢做》，葉蒨文亦興奮到滿場飛兼唱到手舞足蹈，簡直令全場high爆！

除咗佢哋，Alex同胡琳亦手拖手齊齊唱《分分鐘需要你》，之後小肥仲拖住胡琳好似新婚般敬酒，非常搞笑，大家變成一家人咁，真係睇見都開心呀！