一個打十幾個　黃德斌被扑到頭腫

藝人黃德斌出席美容集團活動，表示近日重感冒：「睇咗醫生都唔得，因為我本身拍緊戲，唔夠休息，10日都未好番，呢兩日聲都冇埋。（影響拍戲？）呢幾日全部動作戲，仲辛苦，但唔使講嘢，同埋拍外景好難好番，落完雨又曬，要換3次衫，濕晒。」

他表示會拍到7月，是警匪片，與甄子丹、謝霆鋒合作，問到與誰對打？他表示：「我係甄子丹條team，做警察，但要一對十幾個。」他透露被人扑玻璃樽扑到個頭腫晒：「因為場戲講好多人，啲人搏鬥，仲要5 take先得，我都未知之後仲有咩動作戲，不過係好睇嘅。」