懷才不遇匿維園喊 側田開騷自揭6大缺點

20190615
東網電視
更多新聞短片
側田好感性!
歌手側田在紅館舉行一連兩場《側田My Beautiful Curse演唱會2019》的頭場,期間播出一條片,提及其人生觀、愛情觀和親情觀。之後身穿全藍西裝的他出場,而白色棺材亦再次出場,唱到《活多一次》時,全男班嘉賓上台合唱,包括方力申、小肥、劉浩龍、釗峰和King@C AllStar,全場歡呼!他們手握一支白玫瑰,齊齊出席側田的喪禮,之後把玫瑰扔進棺材 ,唱完後側田跟他們講拜拜,而側田就企在棺材內唱出《不經不覺》。
瞓草地喊
之後側田以年輕造型出場,邊彈結他邊唱出《大雄》,唱完後他終於開口與大家打招呼:「大家好,我終於講到嘢,多謝大家陪我呢個上半生,我要多謝頭先我唱嘅嗰首歌,係我beautiful curse嘅開始,嗰年《大雄》攞十大,但我作曲都未搵到食,未入行,其實開心又唔開心,覺得上天畀才華我,但要捱餓,仲記得我瞓喺維園個草地度喊,好多怨氣,但經過16、17年後,我可以企喺紅館同大家唱歌,唔再喺維園草地自己一個,永遠都會珍惜呢個beautiful curse。」
承認自己懶
之後他謂要唱《兩個女人》給從美國特地回來的媽媽,之後就對住第一行的媽媽唱歌,期間忍不住喊,媽媽遞上紙巾給他抹淚,而媽媽旁邊的女人似乎是其女友,女友又向側田送飛吻。接着他唱出《情永落》:「呢首係我做音樂嘅原因,因為失戀,當時經歷最嚴重嘅一次失戀,我係習慣受傷嘅人,多謝傷害我嘅人。」接着他表示要多謝一個從未多謝過的人:「咁多年嚟我都係踩多過讚佢,佢懶、固執、臭脾氣、難相處、貪玩、脾氣暴躁,之前都係踩佢,43年後終於開始讚下佢。」台下觀眾大叫:「側田!」他續說:「我肯承認面對自己嘅唔好。」之後唱出《美麗之最》,期間哽咽抺眼淚。
諗過開騷鬧haters
Encore環節,他表示前幾個月好嬲:「呢個世界有好多haters,妒忌、睇死你,之後我開始了解呢個騷嘅原意,其實本身我想講啲嘢鬧嗰啲haters,諗諗下唔啱呢個騷,世上總係有人唔鍾意你,但我有你哋鍾意就得,我會繼續做好歌,我唔捨得落台,我可以唱到聽朝,如果可以嘅話,我會繼續做好呢十幾年嘅嘢,冇人可以打死我!」然後唱出《命硬》、《運》及《Upside Down》,演唱會圓滿結束。
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。