同黎諾懿學做老竇！王鎮泉幫手湊小春雞

無綫娛樂主播王鎮泉（泉泉）「應節」，邀來黎諾懿父子拍攝父親節專輯。節目內泉泉化身湊仔公，幫諾懿照顧兩歲兒子黎峰睿（小春雞）1小時，帶小朋友到遊樂場所放電，想不到小春雞精力充沛，未幾已搞到泉泉氣囉氣喘，泉泉打趣說：「想向諾懿取吓經，學吓點做人爸爸。估唔到小春雞一啲都唔怕醜，仲要好鬼生猛，睇少眼都唔掂。我都係睇住佢一陣啫，真心佩服諾懿放工都要照顧囝囝。諾懿傳授咗同小春雞影相嘅秘技畀我，就係要同佢玩自拍，佢望到自己個樣就會坐定，同埋笑得好開心﹗」

節目內諾懿提到當上爸爸後的轉變謂：「以前會偶爾約朋友出去食吓飯，依家只要放工就會返屋企。工作方面我開始嚴選，想留多啲時間陪佢成長。」泉泉又教小春雞整張卡送給諾懿，而牙牙學語的小春雞一句「父親節快樂」，氹得諾懿開心不已。