一味靠「嚇」！陳秀雯唔怕細路怕戲扭計

藝人陳秀雯早前為ViuTV新劇《教束》趕工，她表示為配合校園實景，要加快速度拍攝：「因為要配合學校假期拍攝校園景，其實今次對手嘅同學仔都真係好好，同劇本想像好相似，而且佢哋都表現到團火畀我，好想做場好戲。其實演戲真係要有動力，否則係一份好辛苦的工作！」

秀雯稱多年來與小朋友經常拍戲，所以唔擔心對手「扭計」拖慢進度：「我拍過好多小朋友做戲，有時做我個仔、細佬等等，劇組只要揀得好就冇咩問題。而且我係會嚇小朋友，不過又唔會嚇喊佢哋，所以溝通上冇咩問題。」已踏入中年的陳秀雯，笑言現已開始與同學聚會想當年：「去到四、五十歲，可能大家開始冇咁忙，我記得大家三十年後再碰面，大家驚訝時間唔知去到邊，但大家停留中學的情懷，感覺真係好大！」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。