生日放長假慶祝　湯盈盈一家遊泰國台灣

藝人湯盈盈到九龍灣出席《愛·回家之開心速遞》宣傳活動，她透露老公錢嘉樂跟曾志偉到了日本半玩半工作，今晚返港，屆時會跟兩位女兒跟他慶祝父親節，她表示讀國際學校的大女已經開始放暑假，之後她生日會舉家休息兩星期到泰國及台灣旅行：「搵到啲地方啱小朋友玩，佢哋可以揸車學掟彎。（幾耐冇放假？）其實四月先至走咗一個月，全家去加拿大探我爸爸，所以返到嚟都唔可以放假住，要向其他同事賠罪，因為佢哋要遷就我調拍其他嘢。」