化身成粉絲　Adele捧辣妹場自爆同偶像飲醉

英國靚聲天后Adele日前與幾名好友一同去倫敦溫布萊球場捧偶像辣妹（Spice Girls）開最後一場騷，而出名係辣妹fans的Adele昨日於Instagram（Ig）上載她坐車前往場館睇騷時的片段，片段中她大唱辣妹的歌曲。並留言說：「對上一次睇辣妹在溫布萊開騷係21年前！今晚與我最親近嘅人一齊喊、笑、尖叫、跳舞、回憶，並重新愛上10歲時嘅自我。眾所周知，我係幾咁愛佢哋（辣妹），佢哋有幾咁激勵我為自己嘅生命而奔波同永不回頭。我終於同Ginger（Geri）見面，我同班女（辣妹）飲醉，好老實，我無法相信我已經走到多遠，感謝你令我生活瘋狂，冇你5位英國傳奇，我就唔可以在此！我愛你！」而開騷前，Adele亦專登去後台同偶像合照打氣！