唔介意姊弟戀！慳妹張文慈公開招男友

美容集團創辦人鄭明明為慶祝集團成立55周年，特意與鐘錶集團合作，推出不倒翁系列手錶。今午「萬希泉x鄭明明」發布會上，邀來藝人張文慈、吳綺莉及黎燕珊等撐場，場面相當熱鬧。

張文慈受訪時表示自己年輕時也愛儲名錶：「都有十隻、八隻儲落，依家變成古董，有啲仲要維修，其實近年我返璞歸真，覺得身外物唔係太重要，即使買衫都變慳妹，連自己揸緊架車，都揸咗10幾年冇換。（依家緊張乜？）身體健康，依家講養生。」

記者笑指「追妳好易」，文慈即謂：「係㗎，試吓啦。（有冇追求者？）近排都有啲，不過望落年紀好細。（介意姊弟戀？）最緊要溝通得到。以前我試過喺社交平台識到啲外籍人士，寫晒情書畀我，後尾叫我寄錢畀佢，一聽就知世紀騙案。」

---------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。