睇見心噏！吳日言帶囡囡打針一秒爆喊

帶BB去打針，係每個做父母嘅必經階段，雖然睇到佢哋喊會好心痛，但為咗BB健康着想，惟有頂硬上。呢日身為新手媽媽嘅藝人吳日言（Yan），就帶咗囡囡Bea去打針，一開始Yan非常擔心，唔單止用手遮住Bea雙眼以防佢嚇親，就連佢自己都唔忍心望住醫生落針，而最後一打完針，Bea就即刻爆喊。不過喊唔夠幾秒，Bea好快就收拾情緒，令Yan非常開心，將打針片上載至社交網開心Share之餘，仲大讚囡囡係「勇敢的小女孩」！唔少媽媽級網友表示感同身受，亦有網友大讚Bea真係好叻女。