張慧儀谷胸拍新劇：從影以嚟最爆

藝人張慧儀以谷胸性感造型為ViuTV新劇《MeToo》進行拍攝，她坦言好耐未有接拍此類型角色，甚有挑戰性：「題材講性騷擾好寫實、貼地、又好爆，有啲場口係從影以嚟冇拍過，又會畀小白臉包圍，都艷福不淺。（同梁漢文醉酒亂事好激？）同佢段關係小兒科，但呢場戲呢幾日會拍，未知導演想點拍，可激可唔激，不過一定會有纏綿遊戲。其實都有諗再拍呢類型好唔好，但作為演員唔應該有呢個心理包袱，懷住期待心情去演。」

問到現實生活中可曾被性騷擾過？她表示：「喺娛樂圈唔覺有。（登台有Fans鹹豬手？）Fans會好熱情，但未至於非禮，以我性格，如果有（非禮）都唔會就咁算。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。