感謝編劇寫出真感情　林凱恩演技大爆發

藝人林凱恩及周嘉洛在處境劇《愛．回家之開心速遞》中飾演「Bonnie」及「金城安」，最近兩人的感情大受衝擊！「金城安」竟搭上其貌不揚的契妹「池美麗」？

劇中「池美麗」希望撬走「金城安」，於是出計離間，而「金城安」發現每次與「池美麗」偷情，「Bonnie」創作靈感都會大增，於是忍辱繼續扮花心男，至於「Bonnie」以為「金城安」真偷食，但又決定啞忍，慢慢變得神經質，時笑時喊……不少觀眾對這段戲反應甚大，覺得相當難頂，亦有人讚「Bonnie」演技大躍進。

對於網友讚賞，林凱恩直言跟其他演員拍檔合作，令她更投入角色：「導演剪得好好，同其他演員又好有火花，令我投入咗Bonnie入面，感受到Bonnie嘅痛，至於點解演到咁神經質，可能我本身都係咁變態嘅人，有朋友話睇到我真人嘅影子，其實主要係編劇寫得好，係平時會發生嘅事，將女仔心入面壓抑嘅嘢寫出嚟。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。