小三想坐正 羅志祥偷食「巨胸娜美」?

20190619
東網電視
更多新聞短片
又會爆得咁突然嘅…
台灣舞王羅志祥(小豬)與內地網紅女友周揚青感情穩定,一早就已經入晒屋見晒家長,得閒又會高調晒幸福,就係爭埋門一腳拉埋天窗!不過今日就有台灣媒體指有「真人版娜美」之稱、現年25歲台灣女星于大夢曾介入二人戀情,仲話有消息指于大夢為「坐正」,竟然Call記者偷拍佢同小豬蜜會照!
拍拖後先知自己係小三
報道指曾與黃立成、辰亦儒等傳緋聞嘅于大夢,早在2016年向朋友透露拍拖對象係演藝圈天王,已經交往半年,惟交往後先知對方有女友,她因變成第三者而心碎,覺得自己「很笨、被欺騙」,拍完新劇就赴美深造療情傷。不過分手前佢為咗「扶正」,竟搵咗狗仔隊去偷拍佢同小豬嘅聖誕節浪漫之約,想藉戀情曝光破壞小豬同正宮周揚青。
自爆拍拖細節
消息又指于大夢自爆同天王拍拖嘅細節,例如「他都會先確認沒車才叫我下去」、「看停對面能不能」,又指男友都揸朋友車嚟載她,掩人耳目,仲會叫佢喺車內瞓平,以免被狗仔隊拍到。
小豬大方祝福一切順利
對此,于大夢本人仍未有回應,而小豬經理公司則表示二人確實認識,但近幾年幾乎沒有聯繫,仲祝女方一切順利。
于大夢的經理人公司作出回應,指于大夢與公司簽約後,的確經常請假,追問下她直認與小豬熱戀中,其經理人公司又表示,初時不相信兩人拍拖,但于大夢指小豬自言跟Grace的感情轉淡,所以她深信自己才是正印,但就公司立場,並不允許她搞地下情或介入別人感情,於是于大夢才出此下策。經理人公司又謂心痛于大夢這樣做,認為她就是一個為愛沖昏頭腦的傻妹,寧願放棄演藝前途,也不願再面對傷痛。
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。