未諗再婚！趙式芝舊愛楊如芯改名重新出發

波爾錶太子女楊如芯（Sean）今年三月和名媛趙式芝爆出「分訊」，原來她們於去年已結束長達七年的同性婚姻。各自各精彩，不單趙式芝已有新歡JW，Sean最近也找到有情人並蜜運中，不少相識她們的朋友都大讚合襯，又盛讚Sean的新歡細心善良。重新出發的Sean，原來在父親建議下改名為楊茹庭。

Sean說：「呢個名我幾鍾意，喺兩、三個月前，Daddy提議我改名，搵咗個師傅畀意見，改咗之後我都覺得事事順利，最緊要健康同工作都好。（同女友感情如何？）大家都好夾，佢好細心又爽朗。（再婚？）了解多啲先，依家大家都互相鼓勵，做自己喜歡做嘅嘢先。」原來Sean除了打理家族手錶生意外，最近Sean和朋友一起投資飲食生意售賣即食鮑魚、魚子醬及香檳外，又替本為柬埔寨華僑的父親，在金邊發展房地產生意。