蘇麗珊學做打女！楊盼盼讚有天分甘願做師父

藝人蘇麗珊（Ceci）及林小美將到日本拍攝ViuTV旅遊節目《旅行唔只食買玩》，今日到荔枝角跟武打女星楊盼盼學吊威吔及打翻，Ceci表示今次並非一般旅遊節目，會有很多挑戰，其中一Part兩人要演繹超人打怪獸，因此她們要學吊威吔，問楊盼盼覺得她們天分如何，她表示相當滿意：「好聰明，學得好快，我都想收佢哋為徒，想繼續教，等佢哋將來拍戲有用。（你又客串吓？）做個隊長？都想㗎！」

問Ceci是否想做打女？她說：「都好呀！大家覺得我細細粒，好文青，一捽就散咁，其實我有跑步做Gym，之前有玩過彈網，所以啱啱都搵番啲空中嘅感覺。」

講到節目，Ceci及小美將會接受不同挑戰，包括做導遊、踢波及到藝能搞笑學校表演。

---------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。