【閨蜜睡房】交換身份!蔣祖曼學囡囡扭計

2019年06月20日 00:00
東網電視
更多新聞短片
蔣祖曼同囡囡調換身份。

藝人蔣祖曼(Joman)應東網巨星節目「海馬牌床褥特約」《閨蜜睡房》邀請任嘉賓,一連三集與主持人俞詠文(Angela)大談「陸蔚喬」,Joman說:「我諗係造型問題,喺街又冇想像之中咁多人認得我,因為我依家唔係粉紅色頭,但真係唔染得,太傷頭髮。(角色嚟得太遲?)冇太早太遲,如果早兩年有呢個機會,可能我未必會想,係小朋友出咗世後,至開始去計劃自己嘅事業。」

繼子:你唔係我阿媽

Joman 21歲便當繼母,照顧電影幕後老公陳卓麒與前妻所生的兒子,曾因繼子一句說話爆喊:「佢話我鬧佢嗰時,覺得我唔係佢阿媽;我錫佢嗰時,咪覺得我係囉,聽完我九秒九走入廚房喊。我都明,佢都係講真心說話。」幸而她講道理的性格,最終令繼子信服,母子關係亦佳,Joman說現時已想不起湊仔的辛苦,腦海只有開心回憶,更笑言希望與四歲的女兒交換一日身份,想試試扭計一整天。

老公讚性格單純

外表硬淨灑脫的她,內裏卻是鵪鶉,笑稱老公賜予她三個形容詞:依賴、愚蠢和路癡:「有一次佢話我蠢,跟住見我黑面,佢就兜番話我單純,如果連呢一點都冇,就冇優點,佢覺得係優點。」想知更多蔣祖曼的故事,就記得本星期五、六、日收睇《閨蜜睡房》了!

--------------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。