組愛回家草蜢?威龍保安三子拍住上搵真銀

20190621
東網電視
更多新聞短片
食住條水搵真銀唔會難。
處境劇《愛.回家之開心速遞》大受歡迎,其中「鐵面陳」王致狄、「王朝」莫家淦及「馬漢」衛志豪組成的「威龍保安」迅速入屋,三子感激觀眾支持,希望兄弟檔繼續拍住上,組成「愛回家草蜢」登台搵真銀!
王致狄憑「鐵面陳」一角人氣急升,劇中鐵面無私、對下屬非常嚴格的他,自爆當初要飾演兩位前輩莫家淦及衛志豪(Michael)的上司,甚有壓力:「第一次同兩位師兄合作,初頭真係有壓力㗎!好在佢哋全無架子,加上我哋成日三位一體,好快就熟咗,私底下亦會傾車經、生意經。」Michael指「鐵面陳」在上一輯已出現,兩輯合共登場近800集,笑言王致狄才是他們的前輩。
莫家淦唔介意騷肌
對於角色跑出,王致狄直認喜出望外:「我冇諗過自己有故事線同感情線,好多謝觀眾支持,喺街撞到我都會嗌我『鐵面陳』,好有親切感。嚟緊除咗有多啲同Rebecca(沈可欣飾)嘅感情戲,都想有多啲挑戰,好似之前抱過池美麗、群姐,希望之後可以抱到更多人。」劇中男星如陳榮峻、周嘉洛及吳偉豪等先後有騷肌戲份,莫家淦即自告奮勇:「其實我哋保安部咁弗先最需要騷肌,Michael佢幾時都Ready,我哋兩個就要一兩個月時間操番弗。」
衛志豪最愛「辣蟹」呂慧儀
另外,早前網上熱選「愛回家女神」,莫家淦表示心中女神是「群姐」許思敏,笑言若劇組舉辦水運會,期待「群姐」以水着示人!Michael則大讚「長腳蟹」呂慧儀夠晒火辣,堪稱「橋底辣蟹」;而王致狄就「鐵面陳」上身說:「我女神當然係Rebecca啦!只係平時收埋收埋,睇幾時一發不可收拾。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。