公開床上安全措施　胡渭康搞到Chok傷條腰

藝人胡渭康出席慈善活動，有份擔任表演嘉賓嘅佢，會唱自己嘅歌同六、七十年代嘅歌。講到佢嚟緊九月會聯同黃寶欣等人開騷，佢話依家準備當中，嚟緊下半年仲會拍劇同電影：「我好少喺夏天咁忙，通常夏天都係抖暑，但咁忙都係好事。」問會唔會趁夏天騷吓肌肉？佢咁答：「做乜要除衫？你哋都睇到啦！」

之後佢又自爆前幾日唔小心扭親腳，溫馨提示大家要注意安全：「我之前四日都要拎拐杖，都係早兩日先唔使拎。（問點整親？）起身起得太急，我一起身就瞓唔到，我真係成個人彈起咁起身，所以Chok親條腰。（一陣唔使跳舞？）唔使，但都會郁吓。（演唱會呢？）我唔跳囉！哈哈……真係奉勸各位年輕人，要打側咁起身！其實我睇咗醫生，乜事都冇。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。