與王敏奕閨蜜逛超市 糖妹師奶仔精打細算

20190621
東網電視
更多新聞短片
糖妹與閨蜜王敏奕一齊逛超市,精打細算!
曾經被封為「宅男女神」的歌手黃山怡(糖妹)及王敏奕(Venus),於2013年因拍攝無綫劇《女人俱樂部》而成為閨蜜,最近忙於拍攝ViuTV新劇《MeToo》的Venus,日前撇下男友曾國祥,與好姊妹糖妹齊齊現身西九商場行街,未幾已有斬獲,沿途兩女邊行邊傾,期間有途人認出不時眼望望,但她們未有理會繼續Girls Talk,然後雙雙步往附近超市買餸。
蕩失路搵人打救
約下午4時,Venus與糖妹進入超市後分頭行事,各自推着購物車穿梭,期間師奶仔上身不停格價。素顏上陣、穿牛仔外套的Venus主要揀選清淡的食物,而一向喜歡食嘢嘅糖妹,就往選購麵包和蔬菜,在揀選即食麵時,她不時拿上手研究食品標籤及價錢牌,研究完一輪,拿起一包豬骨湯拉麵放進購物車內,之後再走到雪櫃前選購芝士,她似乎一時拿不定主意,於是致電友人問意見。
兩女買完餸便相約到收款處會合,一見面又再雞啄唔斷,付款後各自拿着一袋二袋步出,臨走前Venus似乎迷了路,於是走到服務櫃枱向職員詢問,其後齊齊往停車場方向離開。
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。