新片票房失利！張建聲變黐線佬亂衝

藝人張建聲與何珮瑜（Jeana）出席電影《作家的謊言:筆忠誘罪》謝票場，首當監製的張建聲直言票房未如理想，故每日除緊貼票房走勢，還單拖突擊戲院謝票，他說：「頭先見到有場幾乎滿座，即刻叫同事同戲院溝通，我趕到好似黐線佬咁衝入戲院，觀眾見到好驚喜，令我好感動，套戲生不逢時，觀眾都叫我加油，真係百般滋味在心頭，惟有自己做多啲謝票。（唔叫女友陳嘉莉一齊去？）等我一個人面對啦！」問到今次「失手」可會影嚮往後當幕後的信心？張建聲直言的確會多作考慮。

而Jeana則笑指觀眾對其戲中角色大感怕怕，問到會否對票房欠佳感失落？她說：「如果係一部好嘅電影出嚟就會開心。」忙於拍攝電影《怒火》的她，透露與甄子丹及謝霆鋒合作愉快，大讚他們非常紳士，絕對是好前輩，拍攝過程令其獲益良多。

--------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。