拍《愛.回家》獲李家鼎探班!李泳豪勁感觸

20190623
東網電視
更多新聞短片
網友話李泳豪可算係青出於藍!
藝人李泳豪喺無綫處境劇《愛.回家之開心速遞》飾演初戀Café侍應「豪仔」,形象相當入屋,日前開工佢更獲爸爸李家鼎探班,仲搞到佢好感觸添!李泳豪留言:「還記得當年的處境劇(香港81-86),當時我在廣播道錄影廠內的銀禧小食店,看老竇在演餐廳伙記李威一角。如今到我拍攝處境劇 #開心速遞,老竇入來初戀cafe看我演豪仔一角,實在有很大的感觸。」原來李家鼎當年拍處境劇都係飾演餐廳侍應,依家李泳豪呢個角色就好似傳承咗爸爸咁,唔怪得佢咁感觸啦!
此外,原來《香港八一》至《香港八六》呢個系列嘅處境劇,係依家香港無綫電視史上集數第二多嘅電視劇系列,咁第一係邊部呢?原來就係《愛.回家》系列!有網友表示李泳豪可以話係青出於藍,相信李家鼎都好欣慰呀!
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。