駿王跑第尾　蘇志威：佢話唔鍾意咪唔跑

藝人蘇志威（蘇老闆）的愛駒「駿王」月頭以爆冷63倍之勢跑出第一名，蘇志威及劉小慧夫婦係咁錫「駿王」，小慧仲咀埋騎師郭能，激動程度令人印象深刻。今日「駿王」又列陣，見到蘇志威有入場打氣，唔知愛駒會唔會又贏多場呢？

今日「駿王」上三班同「志在四方」、「水火風」等好馬跑，臨場又係冷到56倍，結果呢隻馬贏完打回原形，再一次跑包尾返唛，但上次都贏咗交代，今次蘇老闆同小慧都係以輕鬆心情當嚟睇囝囝比賽，對輸贏冇擺喺心呀！蘇老闆賽後仲第一時間落去同「駿王」講嘢，但究竟講啲咩？蘇志威搞笑咁話，「駿王」同佢講直路有馬夾住佢跑，所以唔鍾意咪唔跑囉，嘩真係好有個性呀！

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。