碩士畢業　劉思希嘆識3百同學都脫唔到單

藝員劉思希出席活動，講到即將完成2年的行政工商管理碩士（EMBA）課程，她表示7月便畢業，她亦感謝2年來劇組為遷就她返學去安排拍攝檔期，因課程需要期間到了德國、以色列及北京上堂。

問到畢業後即全情投入拍《愛·回家》？她謂：「係呀，要交人，都希望拍番多啲。」而她亦透露有意和同學創業：「會同同學搞美容或者科技生意。（儲好足夠資金開業？）咁我平時都好慳家，都夠錢嘅，希望今年可以成事。」講到事業順利，愛情如何？她自嘲這方面很失敗，這兩年讀書有300個同學，但現在仍然單身，在同學中她年紀最小，有不少已經結婚，亦有單身靚仔，開頭都抱有幻想，但相處後大家變了Brother，只怪自己太男仔頭。