黃庭鋒靠?仔保持型男身材？

藝員黃庭鋒近日除忙於拍攝第二輯《香港原味道》，即將會為一個關於健康的新節目到台灣取景，講到大多圍繞飲食節目，他表示：「都係呀，飲飲食食呀、健康呀、關於品味嘅都有，所以都要有心理準備去開始。（心理準備係唔好食太多要Keep住身形？）要Fit㗎，所以拍飲食節目嘅秘訣係每樣食少少，講吓個味道，唔好食晒囉。」

雖則如此，但庭鋒坦言若面對是甜品就冇抵抗能力：「因為好鍾意食，仲係愈嚟愈鍾意食，以前冇咁深究裏面嘅嘢，但自從拍過《香港原味道》後，由最原本嘅材料開始留意。」不過，為保「型男」身形，他稱每星期都會做Gym。現不少男藝人都愛做Gym，他都不敢偷懶放鬆？他笑言：「係呀，個個都係，尤其一齊拍過嘢嘅，可能唔見佢幾星期，再見番佢係大隻咗好多，所以，都會叫自己唔好偷懶，係一個好良性嘅推動力。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。