愛瑪史東睇辣妹騷太high跌斷骨　影響拍新片

美國女星愛瑪史東（Emma Stone）一向表明自己是英國女子組合辣妹（Spice Girls）死忠粉，今個月中飛到倫敦溫布萊球場睇辣妹重組騷，更與偶像Emma興奮合照。可惜樂極生悲，之後愛瑪在朋友身上騎膊馬時，因為太high不小心跌下來，撞爆膊頭斷骨，影響新片《101斑點狗》（101 Dalmatians）前傳《Cruella De Vil》拍攝！

該片於夏天就於英國開鏡，但醫生建議愛瑪休養兩個月，未知部份場面是否需要押後。知情者透露：「佢係辣妹超級粉，睇騷時太忘形喺朋友膊頭上跌落地。開頭以為淨係擦傷，依家發現係斷咗骨。佢好唔開心受傷咁嚴重。佢為咗新片要保持最佳體能狀態，因為佢要追住啲狗嚟跑。」