余思霆洩春光　朱敏瀚恨影靚相留念

藝人余思霆及男友朱敏瀚首次以情侶檔出席公開活動，衣飾襯到絕之餘，玩遊戲時要畫對方心目中形象，即互畫對豬仔放閃，認真sweet爆，期間思霆一下俯身洩春光！

事後二人雙雙受訪。談到今次酬勞是否加碼？朱敏瀚表示：「其實我哋兩個冇問過，覺得有嘢做就好開心，希望陸續有嚟啦。」二人拍拖大半年，朱敏瀚坦言感情已開始穩定，而且漸見默契，他更說：「我依家叫埋佢（余思霆）一齊做gym，希望操到有咁上下成績，會一齊影一輯相留念，因為好少圈中情侶咁做。（到時女友咪好性感囉？）都係做運動啫，唔介意。」

談到彼此的缺點，朱敏瀚即謂：「唔鍾意佢食太多薯條，因為我健身，好多嘢唔食得。」余思霆即扁嘴：「佢成日話我食太多嘢，打完邊爐唔畀我食糖水。（為咗佢戒薯條？）sorry，應該唔會。（覺得男友管得嚴？）知道佢係為我好嘅。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。