鬥上癮！林慧倩素顏練功密密操

前港姐林慧倩（Giselle）早前擔正演綜合格鬥MMA電影，結果打出癮來，近來一改斯文形象，素顏上陣密密練功，跟有「巴柔之父」之稱的Thomas Fan（范偉光）師傅狂操巴西柔術。Giselle說她自小很好動，亦非常喜歡動作電影，拍完格鬥電影後，更加體會到若要在鏡頭前把動作發揮得好看又順暢，背後需要有足夠的動作意識和練習。

Giselle又表示：「細個有玩體操同田徑，亦都跳咗好多年舞，身體嘅靈活度對玩巴柔好有用。依家時間許可嘅話，一個禮拜會上堂兩至三晚，因為打巴柔唔單止係講求技術同體力，仲好講識唔識靈活運用各種招式。我依家仲係好嫩，所以一有時間就上堂，多啲同同學對打練習，希望可以快啲進步。之前睇過有關彭于晏嘅訪問，佢每拍一次電影就學好一樣新技能，唔只係略略識下咁，係甚至乎可以參加專業比賽嘅程度，我好欣賞呢種精神，演戲都要做得專業過人，我都以佢為榜樣。」訓練時少不免會有損傷，問她怕唔怕影響工作，她謂：「只要多練習同做足防守，受傷都係可以避免，師傅時常都係咁樣提我哋。不過我新手少不免會有少少瘀傷，工作時盡量以衣着去遮。」

---------------

立即參加「賞您睇」：　http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。