黎耀祥舉啞鈴　蕭正楠：點解谷咗去下半身

視帝黎耀祥早前同肥媽（Maria Cordero）、阮兆祥同李麗霞（黑妹）齊齊喺馬來西亞登台，完成工作返到嚟香港之後都冇鬆懈，依然落力做Gym操Fit身形！呢日佢就喺社交網分享咗一段瞓喺度舉啞鈴嘅片，並留言：「努力再加油，健康時時有！」押晒韻認真好文采！不過班好兄弟就留言搞事，曹永廉話：「嘩！你要操咁勁，想浩然冇得撈？」而蕭正楠就搞笑留言：「點解上半身舉啞鈴，會谷咗去下半身嘅！好得人驚...」雖然其他網友就話唔係好睇到蕭正楠所講嘅谷咗去下半身，但黎耀祥太太亦大方回應：「是我拍攝不好，不好意思，下次會留意?」相當玩得！

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。