朱千雪風騷晒閃爆求婚戒　阿媽「冇眼睇」

女神朱千雪昨趁31歲生日時，宣布與拍拖5年的青梅竹馬醫生男友吳昆倫（Justin）結婚，即將成為人妻的她未嫁時前先做孝順女親親媽媽。

今日約一時許，身穿花花衫的千雪做司機載一身貴婦打扮的媽媽，由寓所出發到灣仔潮州酒家飲茶食晏，甫落車，千雪媽媽快人一步一支箭般往酒樓方面行，而囡囡千雪看見傳媒出現，表現大方，笑容滿面受訪，問她辦好嫁妝未？她話：「未呀。（係咪雙喜臨門有咗BB？）唔係呀，我仲咁瘦！（未來老公會唔會陪未來岳母飲茶呀？）佢唔嚟呀。」而千雪媽媽見囡囡忙受訪，就折返陪愛女，還大方應邀合照，兩母女心情都同樣靚爆。

兩人約3時半飲完茶離開，因為由冷氣地方走到戶外，千雪媽媽的眼鏡即時起霧，合照時非常搞笑！問到婚禮點搞？千雪說：「所有嘢都仲Plan緊。（唔會喺香港擺酒？）睇吓點啦，未諗到咁遠。（有日子未？）未有，plan緊，之前入紙咋嘛！我哋之後會喺律師樓簽字，簡單處理。」當記者再追問千雪男友點樣求婚？她一臉甜笑地說：「總之有誠意啦！唔講咁多！（有冇喊？）冇喊，但緊張，我唔知唔識反應，但開心。」千雪更晒出手上的求婚戒，閃到爆！接受完記者訪問後往取車離開，她先在銅鑼灣放低媽咪，然後獨自駕車返回小西灣寓所。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。