對話截圖曝光 造型師踢爆范冰冰懷孕真相

2019年07月02日 10:01
東網電視
更多新聞短片
真相原來係……

內地藝人范冰冰同李晨早前宣布分手後,唔少傳聞隨之湧現,當中要數傳范冰冰大肚最爆,條料有埋片話佢肚凸凸之餘,仲話個肚可能唔係李晨!呢日佢個造型師喺微博爆料,公開雙方對話Cap圖擺上網畀大家知道范冰冰大肚真相!

從對話截圖睇到,造型師完全冇廢話第一句就問:「說你懷孕了!」冰冰緊接回覆話全世界都覺得佢肥到似懷孕,但係佢好肯定自己瘦咗,不過造型師就唔係咁睇,寸佢話攞啲衫去試吓,睇吓有邊件佢着得落,仲話以後要叫佢做「肥冰」,原來冰冰唔係懷孕只係肥咗啫。

而佢哋嘅對話亦同時證實咗兩件事,第一:造型師叫冰冰趁依家「一個人」要努力減肥,即係之前傳冰冰同李晨假分手玩地下情嘅傳聞唔真實。第二:范冰冰話自己仲有一個月先至開工唔急減肥,即係范冰冰將會喺八月正式全面復出。

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。