周國賢做嘍囉警探　兩嘢被KO

歌手周國賢（Endy）在ViuTV全新喜劇《REBOOT》中飾演有超能力的警探，當中他要跟著名武打導演范秀明做對手戲，鏡頭前三兩下招式范導已將Endy制服，他說：「拍完之後都痛痛地，我明白呢啲叫真功夫。」

他表示自己少拍動作場面，試過缺乏武指情況下開工：「我之前有套電影，佢哋冇請武指，但又叫我做好多危險動作，喺唔識保護自己情況下，整到個人傷晒，之後都有少少陰影，但係喺未來我仍然想參與到多啲動作電影。」他直言想擺脫書生形象：「我都想學功夫同打拳操練，想喺未來將啲男性剛陽味抆出嚟，其實之前都有操過，但又迷戀番跑步，一跑步就搞到啲肌肉冇晒。」

---------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。