港姐複試：范莎莎最後一戰　高妹Katy已解約

范莎莎殺入港姐複試，她笑言已是第三次Second in，問到可是最有經驗？她笑言：「唔敢講，但第一次面試時其他女仔有留意我唔係第一次選，所以都活躍問我問題，我都好樂意同大家講。（你都好豁達？）係呀，啲朋友講我第三次參選可能會畀記者寫衰，咁我都睇得開嘅。（如果今次唔得仲會唔會選第四次？）唔會啦，都有少少辛苦。」講到她今日一身 Pink Lady Look，她表示陣間會換衫。提到其IG有很多周遊列國的相片，她表示上年參選時剛剛畢業，所以有時間旅行，現時就在旅遊局工作。

而高妹Katy被問到被視為大熱有何感想時，她表示平常心面對，但坦言少少緊張。她又透露已與模特兒公司解約：「因為差唔多時間約滿，依家係自由身。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。