言承旭玩大牌叫途人滾？陳嘉上還原真相

台灣藝人言承旭近日去咗四川拍綜藝節目，佢喺一個街市現身時引起好多途人圍觀，期間有工作人員對群眾怒吼：「滾！」態度惡劣令人側目，隨後傳出係言承旭玩大牌擺款，先至會出現咁嘅情況！

傳聞愈演愈烈，該節目嘅導演陳嘉上喺微博幫言承旭澄清還原真相：「有工作人員因現場人太多太亂急了，用了不應用的言語。我在這裏向大家衷心道歉。我會好好檢討團隊工作。更要向承旭道歉，這些是我的工作人員，讓他背鍋了。對不起，真對不起。???」睇番現場嘅片段，言承旭由頭到尾都保持微笑仲不時揮手態度親民，完全唔見玩大牌嘅情況，好彩導演陳嘉上走出嚟澄清，如果唔係就硬食玩大牌呢隻死貓。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。