這些機會…大S獲木村拓哉拍片送祝福爆喊

20190705
東網電視
更多新聞短片
羨慕!
台灣藝人徐熙媛(大S)近日同好姊妹徐熙娣(小S)、范曉萱及阿雅去咗緬甸拍真人騷,呢日去到一間餐廳食飯時,竟然獲日本巨星木村拓哉親身拍片送祝福,出晒名係木村忠粉嘅大S即時忍唔住爆喊,仲用好認真嘅語氣話木村比佢老公汪小菲靚仔一萬倍!
呢個真人騷係sell姊妹情,四個人互相送驚喜,當中范曉萱就帶咗其他三人去咗一間餐廳,佢哋坐定冇耐面前部電視機就突然彈出木村個樣,佢仲同四位女士打招呼,大S喺呢一刻先至醒覺呢條片係木村專登拍畀佢哋,大S忍唔住啲眼淚不停流冇停過,啲反應絕對係超級粉絲先至會有,想扮都扮唔嚟!
木村講咗一番鼓勵說話之後祝佢哋四位好姊妹要友誼長存,除此之外原來仲有驚喜,木村親筆寫咗張紙「Have a great time」畀佢哋,大S攞上手仲印個唇印落去,跟住佢自爆14歲就鍾意咗木村,為咗偶像去學日文,入娛樂圈跟住去過日本發展都係想同木村合作,大S話如果依家見到木村真人,一定會好似樹熊咁攬住對方瘋狂錫佢,喺大S自行幻想緊嘅時候,小S插口問汪小菲同木村比邊個靚仔啲,大S用好肯定嘅語氣答:「木村拓哉比汪小菲帥一萬倍!」
片段出街後,木村喺微博留言話期待之後有機會見到佢哋,網民留言都話好期待呢個場面,因為好想知道大S對住木村可以有幾失控!
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。