錢係垃圾!林秀怡救病母使盡儲蓄押後婚期

20190705
東網電視
更多新聞短片
婚期要押後到去2026年。
藝人林秀怡近年成功入屋,惟去年為患癌的母親花盡40萬積蓄,至今經濟上仍未「回氣」,每月都處於負債狀態。她與男友視彼此為結婚對象,並大讚對方愛屋及烏,雖然婚事無奈要押後至2026年,卻毫不介意與未來岳母同住一屋簷下。
現年28歲的林秀怡在無綫劇集《婚姻合伙人》憑生動自然的演技成功彈出,入行10年的她一直以「綠葉」身份默默耕耘,自問外貌不算標青,直言距離女主角之路仍很遙遠:「唔好話目標,係夢想。自己知自己事,又唔係靚女,加上公司有好多女藝員競爭。其實依家有咁多對白已經好滿足,希望有日令人認同我唔靠樣都做到女主角!」
孭債難回氣
生於單親家庭的林秀怡自小與母親相依為命,其母去年確診子宮頸癌,她不惜花盡40萬積蓄為母醫病,更一度停工陪伴化療,是百分百孝順女,她坦言:「命同錢比較的話,錢其實係垃圾,好彩當時有能力可以救番媽咪條命,如果連身邊最重要嘅人都留唔住,啲積蓄留嚟有咩用呢!」雖然成功入屋捱出人氣,但仍未能為她帶來高收入,她坦言現時處於每月都負債的狀態:「經濟上仲未回到氣,依家我Keep住要還錢,每個月畀緊最低還款額,希望快啲還完啦!」
讚男友抵得諗
生性樂觀的她即使講到媽媽患病,依然臉帶笑容,直言慶幸有導演男友Kevin陪伴身旁支持。她大讚男友愛屋及烏,願意與未來岳母同住一屋簷下:「要延遲到35歲先結婚,我同男友講即使結咗婚,我都要同媽咪一齊住。好彩佢善解人意,好照顧我媽咪。」
場地:Mini Hotel Causeway Bay
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。