再現25年前經典！鍾麗緹Keep到S形曲線

「性感女神」鍾麗緹（Christy）喺25年一套戲入面扮過美人魚，當年身材Fit爆嘅佢，大擺人魚甫士盡晒火辣S形曲線，夠晒經典，但係估唔到依家已經48歲嘅佢，都一樣可以呀！佢近日喺真人騷入面，同埋老公張倫碩以及奶奶一齊去沙灘，着住潛水衣嘅佢側身瞓喺沙灘，再擺25年前嘅經典人魚甫，S形曲線盡露，真係Keep到喎！佢老公張倫碩喺網上睇番張相都留言大讚：「好看好看。」

咁難得去到沙灘，佢哋就梗係玩番夠本啦，鍾麗緹同老公手拖手跑沙灘，又開心拉住老公跳起影相，再嚟個頭貼頭情深一望，恩愛到爆！鍾麗緹就算隔住奶奶喺中間，都要同老公嚟個隔空錫錫，搞到奶奶十足電燈膽一樣，認真搞笑。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。