洪卓立唔諗拍拖　心中只有「肉」

藝人洪卓立、麥子樂及馬俊怡（Rose Ma）等，下午到旺角出席「英皇電競網紅盃2019」記者會，場面熱鬧。洪卓立笑言今次與其他4位隊友「等贏錢」：「今次10隊人出賽，如果贏咗嗰隊會有10萬獎金喎。我知道依家仲有好多人抗拒電競，但呢行係專業嘅話，其實好有發展空間同潛力。（你入英皇電競隊打比賽？）人哋受專業訓練，唔似得我哋呢啲1日打一個鐘，不過好多人話臨瞓覺前唔好打機，我就覺得打吓有助減壓。」

當談到是否應該展開新感情生活，洪卓立即謂：「我依家心目中剩係得肉，因為嚟緊8月18號要舉行演唱會，依家要戒晒所有澱粉質，每日淨係食白烚雞胸肉同蝦。（心目中想減幾多磅？）冇諗過，減到人哋話我太瘦先啦。」

--------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。