激罕晒背心裙！糖妹自認大隻咗

藝人黃山怡（糖妹）日前為無綫節目《娛樂大家》錄影，罕有性感穿背心裙上陣，她說：「覺得自己大隻咗，再加上係夏天，畀有少少吊帶大家睇，又冇太低胸，但可能大家接受唔到我長大，頭先我都同翠如講今日太性感，點知佢就話如果條裙畀佢着，唔知點算好喎！我頭先都黐晒膠紙，唔會走光。」更指早前與糖兄到日本連拍兩個MV，期間又玩又食，返港後即喪跑步減磅，問到此行可有收穫？糖妹說：「梗係有，買咗啲二手樂器，最癲係我哋返嚟嗰日，當日零晨3點仲喺街度食緊嘢，糖兄又夾咗個比卡超公仔畀我，超開心。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。