復合無望！范冰冰變賣李晨送贈愛情信物

內地藝人范冰冰同李晨拍拖四年已經去到談婚論嫁嘅地步，早前突然用一句「我們不再是我們」嚟宣布分手，但係佢哋散咗三日就被影到約埋一齊食飯，粉絲們都諗佢哋係咪有機會復合呢？近日傳出喺網上二手店見到范冰冰賣緊李晨拍拖時送嘅禮物「永生花熊」，開價38,888人仔（約44,661港元）。范冰冰咁決絕將同李晨過去嘅回憶都要賣晒，睇嚟佢哋係真分手復合無望！

雖然隻熊仔話晒都係兩位巨星持有過，不過網民對呢件物品冇乜興趣，仲話呢款熊仔喺網上1,000蚊人仔有找，呢隻天價二手貨加孭住「分手詛咒」，邊會有人有興趣去收藏咁話！

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。