【真實身形曝光】楊冪午餐晚餐原來食呢啲!

20190708
東網電視
更多新聞短片
楊冪喺跑步機上對鏡自拍,令佢嘅真實身形表露無遺!
內地藝人楊冪身形一向纖瘦,一對又直又幼嘅「筷子腳」更加成為咗佢嘅招牌!不過好身材都唔一定係天生嘅,呢日佢就同大家分享咗佢嘅午餐同晚餐,仲有一張喺跑步機上嘅對鏡自拍,令佢嘅真實身形曝光!着住緊身運動衫嘅楊冪展現零贅肉身材,令網友大叫:「太瘦了吧!」又話平時已經覺得佢好瘦,點知佢着緊身衫就顯得更瘦。
此外,楊冪分享午餐只係食七粒水餃,而晚餐就係薯仔、牛油果、烚蛋、粟米、生菜同番茄仔整成嘅沙律,但佢就留言:「中午這樣吃,晚上這樣吃,會胖嗎?」令粉絲紛紛留言話佢對自己太嚴格,亦有網友話會試吓跟佢食呢個餐單,睇吓係咪可以好似楊冪咁瘦喎!
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。