譚嘉儀被投訴!林穎彤唔會做垃圾蟲

2019年07月08日 18:45
東網電視
更多新聞短片
林穎彤唔會做垃圾蟲。

歌手林穎彤(Bella)為電台活動到中學獻唱,並透露快將推出新歌、稍後會拍MV,問到可有留意同門歌手譚嘉儀被爆料投訴去石灘拍完MV遺留鏡櫃道具,破壞生態環境?Bella坦言都有睇到報道,更出面為對方護航:「記得佢講過當日拍攝經歷咗四季咁,可能一時間幕後製作人執漏,通常拍MV完成咗自己部分就會走,將啲嘢交畀工作人員,咁就冇留意到,大家都冇心嘅,希望當時人、投訴人唔好嬲,都知即刻有工作人員去處理番,導演都有寫一篇道歉文。(你之後拍個嗰MV都係同一個導演?)係。(會唔會執晒啲嘢先走?)我哋會留意,星夢上下都會留心,唔會做垃圾蟲,我哋都唔係有心,大家唔好嬲啦!」

Bella表示特意來鼓勵同學們積極參與公開比賽壯膽:「細個媽咪成日迫我參加歌唱比賽,當時好驚會喊晒,但依家諗番其實係訓練到膽量。」又謂私下最愛看勵志書:「喺情緒化、迷失嘅時候睇會幫到啟發思想,啲人生道理可以運動喺日常生活之中,遇到啲金句都會記低佢,有時會Post喺社交平台分享。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。