何紫綸離婚後獨居　未有追求者望有筍盤介紹

名模何紫綸（Ann）以主辦方身份出席《2019亞洲太平洋國際小姐（香港區）》活動，Ann稱主要負責指導佳麗的形象及儀態，勝出者會代表香港到菲律賓出賽，她說：「今年好多合作方，有電影公司同唱片公司，佳麗多咗發展機會。（覺得今年參賽者嘅質素點？）比上年好好多，而且多咗訓練，我哋着重平均，今年比賽冇才藝環節，以考急才為主。」

另外，Ann早前離婚，問到現時感情生活？她表示：「生活好開心，OK啦，都過咗一段時間，我自己搬咗出嚟住，習慣咗獨立，依家專注工作。（有冇追求者？）冇。（準備好？）慢慢嚟，睇定啲先，要了解咗先，好耐都冇試過畀人追，感受吓開心吓先。（有冇朋友向你介紹筍盤？）未喎，我都想，可能我公布咗離婚唔係好耐。搞完個選美我會去旅行放鬆吓先。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。