坐周家蔚大仔車！姚樂怡囡囡冧冧豬

藝人姚樂怡剛與周家蔚、文頌嫻三家人一齊去了台灣旅行。姚樂怡開心透露在宜蘭住的一間汽車酒店，令她們的小朋友非常興奮，因為可以讓他們一過揸車癮，她透露得意的地方，是給小朋友開的車是有車匙，他們可以自由自在由走廊揸到房門口，甚至有紅綠燈，教識小朋友轉唔同顏色，代表唔同嘢，令到她的囡囡Gaibe（小雞髀），周家蔚大仔洪大仁（TJ）和細仔洪竟琋（JT），及文頌嫻女兒Jamie，相當興奮，每朝早一起身就話要去開車，玩得不亦樂乎！周家蔚大仔TJ更揸車載Gaibe，令到Gaibe冧冧豬，可愛到爆！

姚樂怡表示：「趁老公陪小朋友放電，我哋三個媽咪就去做Spa，輕鬆一下，照顧班小朋友飛車、整臘筆，真係好攰。而整個旅程，仲食咗好多美食，其中烤鴨好好味，所以玩咗咁多日，雖然攰，但好開心。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。