望出寫真　陳漢娜同溫碧霞玩肌膚之親

藝人陳漢娜與女子組合Super Girls成員陳穎欣有份參演的英皇新片《墮落花》，這對「姐妹花」齊齊出席煞科宴。陳漢娜於戲中與女主角溫碧霞有「肌膚之親」，她表示配音時重溫該片段，感覺有點怕醜：「睇番啲鏡頭，真係唔知當時點解會演得到嘅﹗」

以前的電影陳漢娜多與同輩演員合作，今次難得有機會和前輩做對手戲：「姐姐（溫碧霞）好好人，冇畀壓力我嘅，佢仲不斷同我傾偈交流，令工作環境更見舒服。」問可會效法溫碧霞出寫真，她說：「都覺得應該趁年輕做呢樣嘢，風格唔一定要性感，可能相片比較生活化。」

至於陳穎欣就扮演溫碧霞的年輕時代，角色遭遇沉重：「有場戲講我畀爸爸打，不慎拉傷咗頸部肌肉。」她又表示覺得自己有喜劇細胞，希望未來有機會向這方面發展發展。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。