祥嫂設靈：汪明荃八和不會舉辦紀念活動

已故慈善伶王鄧永祥遺孀洪金梅（祥嫂）設靈，藝人汪明荃親到香港殯儀館向祥嫂致祭，逗留近四十分鐘才離開。談及對祥嫂最難忘的回憶，她說：「佢成日都跟喺祥哥身邊做慈善，祥哥係粵劇界前輩，又做過八和主席，我好尊重佢，心目中嘅祥嫂係經常陪喺祥哥身邊，最難得係今日佢哋四兄弟姊妹（指兆尊、兆榮、翠玉及碧玉）一齊盡孝道，好安慰，（喺靈堂有冇同佢哋傾偈？）都係慰問吓佢哋。（最後一次見祥嫂係幾時？）上年喺演藝學院，佢冇講自己唔舒服。」由於丈夫羅家英因事未能前來致哀，而明天汪明荃有工作做，故不會出席出殯儀式。對於有傳八和會館會為祥嫂舉辦紀念活動，她否認其事。