恩愛到暈　鍾麗緹孖張倫碩巴黎鐵塔下咀嘴

「性感女神」鍾麗緹同細佢12年嘅老公張倫碩早前喺內地真人騷盡顯真性情，兩公婆不時嗌交，令人擔心佢哋夫妻關係。不過大家唔使驚，佢兩個仲係好恩愛，日前仲一家人齊齊整整去法國巴黎旅行。

二人除咗帶埋三個女去之外，雙方家長亦有同行，鍾麗緹上載夫妻恩愛合照，仲有三個女嘅靚相，留言話：「昨天好開心去了莫奈的家，想想那時候他下午茶畫的畫。那時候沒想到他可以畫出那麼美麗的畫。而且他的花園真的很美都不想走。」兩公婆仲喺巴黎鐵塔下咀嘴，浪漫到暈！

而張倫碩就同三個繼女打成一遍，一齊整古做怪影相，佢留言話：「哈杜給　炫個全家顏值。宿管張大爺帶全家逛凡爾賽宮。女兒們真的都愈來愈美麗了。」