【永別祥嫂】兆尊避答會否放售亡母故居

「慈善伶王」新馬師曾（鄧永祥）遺孀洪金梅（祥嫂）因肺癌離世，今日完成出殯儀式後，四名子女兆尊、兆榮、翠玉及碧玉一同回到祥嫂位於元朗的住所永祥苑，眾人在祥嫂住處逗留約半小時，四兄弟姐妹臨走前站在大宅外讓傳媒拍照，之後就出發前往纓紅宴。

一眾親友到北角一間酒店的中菜部食過纓紅宴。中午一時許，送祥嫂最後一程的安德尊先行離開，而兆尊則步出酒店受訪，他表示：「媽媽身後事差唔多，除咗二七、三七嗰啲之外，骨灰未知幾時有得拎，應該放喺佢屋企先。（故居會唔會放售？）點解要問呢啲嘢，我都話我唔鍾意錢，呢啲嘢唔答。（幫媽咪出自傳？）盡做啦！要搜集好多嘢，但唔迫切，唔會咁快做到咁多嘢。（係咪放下心頭大石？）我冇石喎，唔好意思！」