孖Terry玩拉筋 網友催Mandy回歸《愛回家》

20190716
東網電視
更多新聞短片
好耐冇見!
藝人謝㺭圻(Jan,原名:謝芷倫)同「Terry」李偉健向來老友鬼鬼,二人曾經先後喺處境劇《愛.回家》系列兩輯中合作,戲裏戲外都默契十足。雖然Jan現時暫別《愛.回家之開心速遞》,不過最近兩人再次「同框」,一齊拍片挑戰玩拉筋帶,期間更笑料百出!
其實李偉健一向有經營自己嘅Youtube Channel,主要拍攝生活片、開箱、旅遊片等,而早前佢就網購咗一條拉筋帶大玩開箱,見佢做大字馬嘅時候痛到嗌晒救命,即獲網友大讚好笑。經過一輪苦練,佢決定再接再厲「雪恥」,今次仲搵嚟跳芭蕾舞非常出色嘅Jan玩埋一份,實行向高難度挑戰。
一開始,Jan率先表演,佢唔使兩三下手勢,就輕鬆完成前、後腳及側身一字馬等三套動作,睇到李偉健目瞪口呆,仲激動到拍爛手掌。至於到李偉健上場時,雖然佢動作明顯比上次純熟,但去到用後腳拉筋時,佢突然失重心向前仆低,嚇到Jan都忍唔住大叫,好彩李偉健反應快及時扶實,之後亦順利完成動作,總算有驚無險。唔少網友都表示好開心見到佢哋再次合作,仲話好期待Mandy(Jan劇中角色)快啲回歸《愛.回家》!
網民有話兒:
wxxter chxn:Terry 拉根比我想像中柔軟
Saxxh Kxxk:玩到道門都開埋,好好笑haha
sexlxna lxxw:兩個都好勁啊!下次搵埋大小姐同舅父一起嚟拉筋啦!
Chxxyl Yxu:Mandy好勁呀,希望快啲返愛回家啦
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。