一個自私的理由!任達華落柯打唔畀個女拍戲

20190716
東網電視
更多新聞短片
唔畀個女入行~原來係想個女陪多啲自己!
影帝任達華、羅仲謙、楊采妮和郭晉安等,晚上到沙田出席主演電影《小Q》慈善首映禮。原著日本小說《再見了,可魯》作者秋原良平及石黑謙吾專誠來港支持,加上「女主角」布丁(戲中導盲犬小Q)與一眾導盲犬狗朋友現身,場面相當熱鬧。
拍戲期間任達華已與布丁建立深厚的友誼,難怪人犬重逢,布丁不斷向華仔「獻吻」,搞到任達華成面狗口水,他承諾布丁退休後,會爭取收養權,希望「一家團聚」。談到愛女任晴佳(Ella)近日為雜誌拍照大騷長腿,他開心表示:「佢身形比例似足媽咪,雙腳仲長過我,不過暫時我唔鼓勵佢拍戲,女仔捱更抵夜唔係咁好,屋企已經有一個我(拍戲)喇,亦私心希望佢多啲時間陪我。」
他又表示愛女最好輕輕鬆鬆影靚相,為成長每個階段留有回憶便可,即使當模特兒行貓步他亦唔批准。談到Ella開通微博吸納粉絲,他表示:「好似係啩,不過呢幾日我忙緊,未有時間同佢傾偈。」首映開場前, Ella與媽媽琦琦突然現身,不過眼見在場嘉賓眾多,即悄悄移步往戲院入場。
另外,羅仲謙則表示大力支持導盲犬寄養,但要清楚考慮外在條件,例如狗隻的活動空間等。
--------------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。